XIX XANTAR GAITEIRO

XIX Xantar Gaiteiro
Organizado pola Asociación Galega de Gaiteiros e coa colaboración do Concello das Pontes e das asociacións de Música Tradicional pontesas No Cómbaro e Canavella, vaise celebrar o XIX Xantar Gaiteiro o domingo 23 de Marzo na nosa Vila. Esta xuntanza anual de xente relacionada coa Música Tradicional e procedente de todo o pais, desprazarase ata As Pontes onde, a base dun bo cocido, freixós, música da boa e por suposto mellor compaña, alterarán a tranquila xornada pontesa do domingo.

A celebración será por partida doble xa que o XIX Xantar coincide co 25 Aniversario da Asociación Galega de Gaiteiros.

O Xantar será nunha carpa instalada para o evento dentro do recinto do Colexio Santa María.

A Asociación de Gaiteiros Galegos xa está a organizar a XIX edición do tradicional Xantar Gaiteiro, que se celebra coa chegada da primavera.

Este ano ademáis, é unha edición especial, xa que celebramos o 25 aniversario da Asociación de Gaiteiros Galegos, polo que non pode faltar ninguén!!

A Data e o lugar elixido serán os seguintes: Domingo 23 de Marzo, As Pontes.

Este xantar é a excusa perfecta para para pasar un día en compaña dos que gustamos da nosa música tradicional, cunha programación completa e interesante. Convidade aos voso amigos a que pasen esta xornada con todos nós, teremos charlas, exposicións, visitas, música e por suposto o xantar.

Programa:



11.30 horas . Exposicións e charla no Mercado Vello a cargo de Berros do Castro e da AGG

12.30 horas. Visita Guiada á Praia do Lago (Sairá un bus do colexio Santa María, para asistir é preciso inscribirse)

13.30 horas. Pasabares polo centro da vila

14.45 horas. Xantar na carpa instalada no Colexio Santa María

*Quen queira participar na arruada, avisar con antelación, (para a a posible distribución dos grupos e lugares). Será preciso inscribirse para facer á visita guiada á Praia do Lago

Para asistir ao XIX Xantar Gaiteiro, deberás poñerte en contacto connosco antes do día 20 de Marzo, indicando, se é o caso, o número de persoas que te acompañarán.

DATA

23 de marzo de 2014

14:45 horas

LUGAR

Colexio Santa María

Praza de América s/n 15320 As Pontes ( A Coruña )

MENÚ

Sopa

Cocido

Freixós, requeixo da Faeira e Mel de Boente

Auga, Viño, refrescos, café e chupito

PREZO

O prezo é de 21 euros por persoa que serán entregados ao entrar (10,5 € para nenos menores de 12 anos).

RESERVA

secretaria@gaiteirosgalegos.com

Teléfono 986 847 074 (Giovanna) / 982229966 (Mónica)